我想探討一個問題 : 究竟電視台嘅鬥爭緊要一d吖，定係大眾齊歡樂重要一d呢?

到咗今日，本末倒置喇。記得聽講過FIFA世界盃係想令全世界每一個角落都能夠分享世界盃嘅任何喜悅、任何刺激。就連北韓都免費直播嘅時候，香港係點樣呢?香港就俾一個叫做有線嘅收費電視台，獨攬直播世界盃之權，即係話"有錢裝有線你咪有得睇囉?無錢?就無得睇架喇"究竟有線知唔知道FIFA世界盃嘅理念係點樣呢?其實世界盃嘅理念就係每四年嘅呢一個月，國家紛爭如何、交惡有幾深都好，喺呢個月內，地球村嘅各國家各位人民，都放下成見，一齊去主辦國嘅大球場，一齊為自己支持嘅球隊大喊支持，忘記一切不快，全球歡樂。但原來地球某個地方，文明、自由、經濟發達嘅大城市 - 香港，小市民就竟然無得睇世界盃，究竟呢一個月嘅快樂係咪真係傳到去世界各地呢?宜家呢個社會商業性太強，賺錢賺錢賺錢叫個唔停。究竟四年一度嘅世界盃,係作為歛財工具有價值一d吖,定係俾全部小市民有工餘歡樂好一d呢?有線,我希望你四年後,唔好再咁樣做喇，會折福架~

我當然唔係音樂情人啦

不過我覺得呢一句說話的確係幾有意思

住喺城市嘅我地,又有幾何可以聽到蟋蟀叫聲?

有幾多城市人有時間聽一吓山溪水聲,睇吓大自然嘅景觀?

睇嚟,我地已經唔止失去聆聽嘅能力

我地仲失去咗感應自然嘅能力喇

我地手上嘅每一樣都係高科技,睇嚟好似愈來愈進步

但係我地最基本嘅卻一直咁消失

例如同人傾偈嘅能力

例如親身體會嘅能力

有冇發覺自己已經失去咗好多好多?

試吓放低晒你手上嘅高科技,親近一吓大自然,可能你會愛上呢一個咁可愛嘅自然

你可能會更愛自己

愛自己係人

明年今日嘅我一定好緊張,因為明年今日就係AL嘅時候喇

究竟我過唔過到關呢,我真係覺得好辛苦

我好想再一次逃避,我唔想同別人做比較但現實上人人都同身邊嘅人做比較

返工,老闆都會將你拎去同其他員五比較,究竟你仲值唔值得老闆花幾千蚊去養你

被比下去嘅時候,呢一種感覺真係好難受,因為人與人之間少不免都一定有比較,有邊個想被別人踩喺腳底?

基本上呢個世界,任何一個地方,都存在比較,比較是帶來痛苦嘅,人人都知道,但人往往鐘意做一D自己都唔鐘意做嘅事,我要搵錢多過佢,我要過得好過佢,我要開心過佢,我要贏佢,我要.......種種都係一種超越,有論競爭才有進步,但競爭嘅過程中,雙方都交替著難受,輸嘅一方一定難受,心入面會問自己,點解自己比唔上對手,大家有嘅都係一樣,點解會咁?愈問愈難受,愈問愈傷心,只要輸左,俾人一種感覺就係差,遜,無用

我地就係活喺呢一個好似井嘅世界,我地要喺井底向上爬,點先可以向上爬?踩住別人上去囉~美好係留俾勝利者,輸左嘅就被說成輸家狗,敗犬等等~

任何人人平等,都係大話,有錢有知識有權力有地位就係勝利者~

真係百萬分期待,我諗我會買UMD

新出嘅魔物有雷狼龍同一隻穿山甲,一隻怪雞

但係無左水戰

我最期待嘅水戰竟然無左.....

不過今年年底都要開始準備A-Level喇

可能要遲d先玩到

好慘呀,有得睇無得玩

尋日做一次past paper,中國文化聆聽卷

六十二分入面淨係得四十二分咋

平時做阿sir俾嘅練習一百分入面試過最高有八十七分,應該已經係全班最高

但係尋日做嗰份野,d受學仔話份past paper易過平時d練習...

唔通我尋日真係訓唔夠,懵左?

睇嚟輕敵真的最危險~

最近拎返之前Gundam Seed嘅碟出嚟睇

睇返最後一集,睇返我最鐘意嘅角色 - 拉魯‧古魯謝

其實呢個角色都算係故事中人類科技發展之中嘅一個悲劇

我向來都鐘意奸角,所以都特別留意反派角色,呢個係我喺Gundam Seed入面最鐘意嘅角色

可惜最後都係輸喺主角無敵論之下~

可能係我懶啦

不過,呢個blog我都無預過有人會睇

哈

呢則網誌後,我會開始多d上嚟寫blog

既然係第二次開張,係件喜事

所以要喺度祝福我身邊嘅人同埋世界各網友

首先祝福爸爸,媽媽

其次係各個朋友,網友

第三就梗係世界各地嘅大家啦

希望以上各位都身體健康

身體就係本錢

財富都只不過係來自健康架咋

如果唔健康

就好似銀包穿左個窿咁

漏錢架

哈哈哈

天天笑,天天有奇妙~