無樑成日介紹深水步d嘢食俾我地食

有一日佢幫我買了一件$6 元的格仔餅...超底又好食...

咁我都好鐘意食..間中都會叫佢幫我買...

有一日Alex 放學打電話返來問我們有冇嘢要買...

因為我快吃飯所以咩都冇買...Alex 幫Fanny 買了格仔餅..

當fanny 問alex 幾錢時..alex 話$7 元...

我個時冇出聲...我以為佢可能係第二間買或加了價或其他可能啦...

過左幾日..無樑又幫我們買格仔餅...咁我好普通問一句幾錢呀

無樑話.$6 元囉...我就用好懷疑的口吻&眼神問alex ..

點解上次你幫fanny 買要$7 元......

alex 用個種 好委屈同唔忿氣回答..一直都係$7元架..只係無樑收你$6 元

我呆左一下...湯圓話..係呀..我都知呀..不過無樑叫我唔好講..

我又呆左一下...問無樑...點解咁做..

佢話...咁之前話你知係$6元..後來加了變$7元..但我明明話你知時係$6元.所以咪算囉..

我又呆一呆...好感動咁話....咁既朋友係邊到搵呀...

連車費都(薛)左啦.....

真係好感動...但知道lee過真相後我就要俾＄７元啦．．．

難過．．．哈哈．．講笑的

我隻佬終於乖乖返工啦．．我都放心ｄ．．

令我又好想寫..可能之前覺得佢地都冇寫..令我就懶了啦

唔....我唔知點講呀...

這兩天我為了我隻佬工作我事而煩惱...唔開心...

因為我都唔知佢到底幾時先真係返工..

之前就講得好好聽咁.....但日子一天一天咁過..

我好似仲未見到佢返工囉...

之前阿yu 替我開心..我都覺得好開心...

我都唔知點講好....在昨天我明明問我隻佬係咪今日返工..

佢話係...但今日六點幾阿女打電話俾我時...我就聽到我隻佬把聲...

我心情好低落..........我真係嬲嬲地....仲忍唔住...流左小小眼淚咁啦...

唉...有時我真係好唔明佢想點...但我每次問佢...只是好簡單答我兩句..

就講其他嘢..我真係覺得好討厭...好嬲...

我嬲係因為唔好..同我講就天下無敵..做就有心冇力啦

如果真係冇心...就唔好同我講將來啦.......

我有時真係好想唔做嘢.....離開一段時間咩都唔諗...

去邊都好啦.........最好係去湯圓或朱家...冇咁大壓力..

如果返上水家..我媽咪一直問...一定煩死...

但最唔捨得阿妹....所以都係諗下0姐........

所以我只好唔睬我隻佬...佢係要令我對佢冷冷..佢先開心咁...

男人真係好討厭呀

其實都唔係好睇到..因為坐得好後..但剛開埸時d氣芬真係好好..

我今天十點幾出門同阿妹去看醫生....一點就同阿妹去學跳芭蕾舞.

後來就去了吃東西,三點多等齊人一起坐車去大球埸..

其實都幾累.....但都好過咩地方都去唔到..(例如打風)

幫阿妹拍了d相..放左上facebook ..最近我都常上facebook 多

阿yu 終於帶返本天書俾我啦..好想一陣玩下..

不過唔知會唔會好眼訓...

昨晚fanny 打電話俾我...佢話今天可以返工..反而想星期五放...咁我就決定今天去睇醫生啦.....

昨晚十二點時已打了電話俾maggie .同佢講今日更表有變..我會先去荃灣開門俾阿yu.然後看完醫生先返朗....about啦..但唔知點解成晚都睡得不好...

係..我係想請病假...但我真係病呀嘛...有時真係好唔明自己架...好矛盾..算吧..

現在都已經起了身....只好吃了藥才好好休息啦...反正吃了藥一定好累的

記得8月其中一日...我們一家坐小巴..我隻佬抱住阿妹坐入邊.

我坐出面....車在紅綠燈位等轉燈..突然阿妹指住門口個邊笑說.(兩個)

我問.咩兩個呀..就望出去啦...(我只到兩個人在燒嘢.唔好問我燒咩呀)

阿妹一直只說兩個...我忍唔住問..(你係咪話有兩個人呀)

佢話係...我心諗...(唉.算啦..起碼我都只見到係兩個人..如果佢同我講有三個就驚d)

後來佢又笑說(佢地燒煙花呀..哈哈)

我就忍唔住笑一笑心諗 (真係童言無忌)...就說 ..唔係燒煙花呀...

就用自己身體擋住...叫佢唔好睇...

當架車轉彎時..阿妹雙手合住就說..佢地拜神呀...

唉...小朋友真係咩都會講.....

點解會話係終於呢???

因為其實的係應該10-08-2008 去看的..

咁個日我同阿yu 都好開心...大家都冇遲到

仲買了爆谷一齊食...入到場就俾戲票個哥哥仔啦...

我們仲好興奮的..突然個哥哥仔問我今天幾號..

我就好直接話..10 號囉...

佢笑一笑話..lee 張票係9號的..我們都感到晴天霹靂呀

佢就叫我們去一旁...佢就打電話落樓下...個男仔就話唔可以退票個d..

但改日期就去下面搞..咁我們落到去..就一直商量..邊日再看..

後來有個女人問我們咩事..我們就話換票..

佢就話..唔得架...你們一係睇第兩套啦...一係坐前d睇返lee 套..

我就話..0下...現在又要睇返lee 套...咁你們岩岩就唔好叫我們落來啦

現在都過了時啦..但都冇辦法...但又到佢地冇位了..

最後佢都俾我們轉星期二去看...呵呵...

在我們無無聊聊..慢無目的會住個爆谷...就想到去唱k

咁我們又開開心心咁去唱 lunch k 呵呵呵

其實都幾滿足...因為前一天都想約下次去唱k的...

但我就咳得好厲害...唔知有冇嚇到阿yu 呢

而到了今天..我們看完戲就去了花園街逛街...我們都逛得好開心呀

都買了東西..真不想返工啦

呵呵呵....

都講一講星期一啦...11-08-2008我阿女開學啦

我就送佢返學啦.我仲以為自己會無無聊聊等佢一個鍾放學啦

原來個日d家長可以陪小朋友一日的....

好好好開心啦...本來阿女一入去就忍唔住哭了..

後來我係度陪佢玩..佢好開心...我又當然好開心啦..

我又幫另一個媽咪照顧她女兒(詠嵐)

我們都熟熟地..她要返工..所以我們三人一起玩....嘻嘻...

當我們一齊玩時又有另一個小男孩問可唔可以一齊玩...

我當然好歡迎啦....佢地都好乖..我好喜歡又感動..

個個都咁得意....

後來到了十二點.我未出得門口.就叫嫲嫲同阿妹去車站先.

到我等電梯時.才發現忘記拿相機.就立刻大叫我隻佬開門俾我啦

佢又慢條斯理咁..我已經好急啦..

佢又唔開門俾我.我想自己走去拿相機

我就同佢講.你開門俾我先啦.我自己拿呀..

佢就又唔耐煩同用龜既速度開門俾我.嗰時我已經好嬲了

我在樓下時.嫲嫲話架車來了..我叫佢唔使等我..上車先..

我用最快的速度跑去..........最後送車尾....我見佢地係架車到...

唉..........我坐車時已忍不住流了兩滴眼淚..

我本想幫佢同d 同學影相.最後拿了相機都影唔到...

返夜都陪唔到阿妹上課....突然覺得做咩都冇用..唔知自己搞咩.....

後來我去到舞室時..阿妹已入去啦...我又好想哭...

好嬲......我隻佬..但我知自己唔應該咁慢...........

唔............算吧啦....好彩最後我決定去課室看伊韻..

睇睇下.佢突然望左出來同我笑呀...起碼佢知道我來了...

心情都好左d...最近佢記得我個電話號碼..成日打電話俾我話自己叻..嘻..

唔知湯圓點呢..有冇買到我們的東西啦..好緊張喔..

明天同阿yu 去看戲呀..呵呵呵..

上次返工...有一班人.其中一個男仔將$168元的波丟佢個fd .就掉在地上.

我嬲嬲地同佢講...(唔好丟波呀..唔該...)咁個個男仔就好尷尬咁啦.

後來佢有一個男性朋友同我講.(.唔好意思呀..佢唔會再丟的啦..)

我又.隨便咁講..(怕有時.會丟到d小朋友...)

個個男仔就話...(有冇細佬都唔應該丟啦...)

我好認同咁點頭說 (岩) 嗰時我真係好想搭佢肩膀說..(你做得好好呀)

呵呵呵....但我冇咁做...三唔識七..算啦

好累呀..但暫時我都係覺得如果要打字講心裡話.好像這裡比較好d..

其他個d 好似仲唔係好知點用..咁'..

其他個d最好就是可以俾的send好多靚相

...

好苦惱喔...又唔知你地有冇facebook 個d..

但 有d影片看..但我都唔知點叫你們去看..

因為我都唔識

http://www.xanga.com/dearemerald

開心是.我今天去了逛街買了芭蕾舞裙同鞋俾阿妹了..

好靚呀...嘻...而我自己都買了條褲...但太胖了..要換喔..

唔開心是..我星期六返早呀...但我個女星期六要學跳舞.

所以我選擇放棄星期六唔返早..返夜呀

但咁..我就只有一day早...呼...我今天才看間表...

其實其他阿姐.星期日都會返夜的...

但點解我阿姐..星期日常常要返早呢..唔通習慣了...

唉...算吧...看看下星期啦..

好開心呀...今個月好像有bouns 啦...但已經5 號啦..

仲未睇到數....湯圓好擔心.去旅行$$$$呀

去完迪迪尼了...

心情是開心的.因為伊韻好開心

心情是煩躁的.因為天氣太熱了....人都快熔.女兒更變了水人(太大汗)

心情是激氣的.因為家姐成日唔知去左邊.要我找佢.

心情是興奮的.因為可以購買到優惠貨品.

其實我已經玩左好多地方..但一直要想去探險世界玩..

1.木筏 2.泰山樹屋 3.森林河流之旅

LEE 三個地方我好想去的...因為好似好特別咁..又好得意..

其實我都比上一次去迪迪尼玩多左唔同的玩意..

不過我覺得個個獅子王都唔好睇..而石妹一進去一陣就睡了啦

我都冇吵醒佢..反正都唔係咁好睇..

而個個巴斯光年....我就覺得一般好玩啦...唔知點解我家姐玩時..

有8萬幾分...而我只有8千幾分..自問由細都唔識打機.算吧.

我都係比較鐘意去D 劇場看表現或動圖....

我阿女都係..因為可以見到佢D 偶像..

我地係無聊時間去睇個個哈囉阿古..

裡面係有一個電視有隻阿古烏龜會話嘢咁啦...

一直同D小朋友對話的...阿妹神奇地會回應 &好開心跟指令做事

好意外囉.....

到了晚上7 點...我們本想排隊坐木筏...突然諗起..

未幫伊韻同迪迪尼人物影相..我立即跑去幻想世界...

就先同Mickey 影相...後來同Pooh Pooh ...高飛影相...

最後我相機已冇電了..(上次去時已同minnie 影過啦.)

我就去買記念品啦...阿女一早睇中了一個minnie 的顏色...

我都覺得幾好.

我就話.不如送一個俾蕎蕎表姐了...我看完就拿了一個放入購物袋到..

叫伊韻走時..佢就哭..話佢冇...顏色....(我拿少了)

我就安慰佢話...喔..傻豬..lee 個咪係妹妹架囉..(指住袋個個顏色)

佢話..(唔係..lee個係表姐．．）依家d小朋友真係呀....唉

我只好叫佢..(咁你自己拿啦) 佢就開心了..

我又買左 2 對 筷子俾佢..一對耳環加介指...

我都買左一隻膠閃鑽介指俾自己..好喜歡的..之前都想買類似的..

我會再去迪迪尼的...嘻 i will come back

到了星期六.我就同阿妹去試學芭蕾舞..

佢都好開心..比上次學中國舞開心..就報名了...

每個星期六...1 點至 2 點...

其他相在相機內.send 唔到來這網