十個月的日子
轉眼間就過去了
與老公相處的日子
有開心、有幸褔、有甜蜜
但當中
亦有不少令人不快、令人痛心的事情發生
可是
這十個月既日子
的而且確是很高興的
因為每一次
在我開心的時候
我能第一時間和老公分享
在我失落、氣奮的時候
有你在我身旁為我打氣
為我抱不平

有你在我身邊的日子
的確令我獲益不少
老公教曉我怎樣去愛一個人
以前
我不懂得什麼是愛
不懂怎樣去愛人
但老公一直以來都很用心去愛我
去遷就我
令我學懂怎去和別人相處

除此以外
老公亦令我的眼界擴濶了不少
以前很多以為正確的道理
其實只不過是一些無聊又幼稚的想法
老公將自己所識、所學
都毫無保留地與我分享
使我看到好多真理
讓我不用繼續做一隻無知豬

和老公一起
所得的
真是數之不盡
有一個如此愛我的人
豬真是一個幸褔的 "臭傢伙"
雖然一直以來
我們總會為一些小事
而大吵一番
但是我知道
由六月十六日開始
我倆都是越來越著緊對方
我們有很多方面都能夠互相配合
互補不足
和你一起時
感覺總是很舒服
不用做作
用自己最真的一面和你相處
我知道
不論我們將來
還會吵多少次交
我們都能夠透過這些
去多了解對方

現在
我們一定要努力
好好為我們及我們的小雞雞、小豬豬打算
去建立一個屬於我們自己的家
我相信
這個家一定會充滿愛而又甜蜜、溫暖的

傻雞老公
小豬老婆一定會愛你一生一世呢

老公
我愛你

好喇
終於寫完呢d 扮斯文既野喇
一路寫都覺得好難頂
唔知我老公又頂唔頂得順
可以睇完晒佢呢..??

正當我地滿心歡喜
以為可以訓死
點知訓左半個鐘
神就叫醒左我地
咁都不特止
佢仲唔俾我地再訓
就係咁
兩公婆就要鐘住眼訓咁去做lab
呢個最後一次既org syn lab
好快就做完
而且今次聽左細kel既discussion
唔駛再走去問佢
可以快D做好份lab report

去到旺角
老婆帶左我去食又平又正既車仔面
下次我地唔知食乜既時候
又多一個好選擇喇
老婆真係巧叻叻架
次次都帶傻仔去食好野
抵錫
食完我地又行街街
不過老婆真係好支力
一路行一路放蚊
仲放左好多好多次
所以同老婆買完kitty遮
就即刻拖老婆去巴士站
等佢快D番屋企抖喇
而家老婆有左把靚靚遮
就唔駛下下都要揸住把長遮出街
又唔怕大風吹喇

今朝望左兩眼叮噹
就出左去飲茶
四個人食17碟野
飽到嘔呀
之後由金鐘行到去銅鑼灣
行完已經六點
老婆都夠鐘出門口
今日老婆咬多幾舊骨
食肥D
食肥D
食肥D呀

話說又一個傻佬
佢係番工既時候
一路飲水
一路企係度望靚女
係佢正想表演唔用手
都可以飲水既時候
突然之間
阿紙杯塌皮
成杯水就淋左係呢一個傻佬身上
就係呢個時候
咁岩就有個靚女望左過去
睇住呢個傻佬成身都濕晒
又冇紙巾
不停咁用隻手係度摸黎摸去
最後仲要扮無野繼續飲水
果個靚女睇見咁既情形
即刻冒住生命危險
拎張紙巾去救呢個傻佬
順便走去笑下佢

其實我都知道
我老公係用手良苦
等我落 call 既時候可以精神d
我老公真係越黎越可愛喇
傻佬
我愛你呀

尋日兩公婆一齊食左包包做早餐
玲玲豬帶左兩支多多
等老公唔駛就住就住飲
小雞咁大個人
都冇試過飲得咁大啖
送完老婆返工
傻雞就去左圖書館行個圈
行左一陣就返工lu
今次坐5/6F
D人去廁所去得鬼咁狼
老公都唔執輸去埋一份
話咁快就捱到放工
準備接收老婆既surprise喇

買左15蚊牛肉
7蚊豬肉
8蚊兩斤蕃茄
10蚊滷雞翼
我地就拖住手好幸福咁返屋企煮飯仔
老婆D手勢越黎越得
越黎越有師奶既功架
三兩下手腳就整好個湯
可以執衫沖涼

小豬入到去都唔俾人睇痾尿尿
妳睇人就得
唔公平既
除晒衫衫就開水洗白白
之後就有兩個人攬埋一舊
四片咀唇難捨難離
老婆話一路沖一路做愛做既事
冇淨係做愛做既事咁好
咁下次就沖完涼先做啦

沖乾淨就有好好味既米粉食
今次終於食到正宗既蕃茄牛肉米喇
老婆今次既idea非常之好
D碎豬肉好正
全因為老婆加左佢諗左成日既神秘野
食到老公飽晒
老婆仲差D嘔
要抖左一陣先洗碗
之後兩公婆睇左陣電視
就又要分開lu

今朝十點就要起身飲茶
老婆就要一個人番工
要養起老公
辛苦死豬
好啦
hae住咁多先
再唔submit就俾人鬧架喇

今日我地又要番工工
一早
我老公就打黎話俾豬聽
佢己經上左 590
雖然呢個豬仲係好好好眼訓
但係都一定要起身.....
因為
我個老公好快就會黎到喇
唔知點解
老公成日打黎既時候
小豬都會係發緊d 好緊張既夢
每一次都夢唔到個結局

之後
我地就係青衣公園度食包包喇
有老公係隔離既早餐
真係會食得多d
d 野食又會甜d架

但係冇幾耐之後
小豬就要番工
要掉低老公一個係出面等半個鐘
係十二點三既時候
望極都望唔到老公入黎番工
以為我個老公係出面
訓死左唔識得番工工呢

捱左六個鐘
終於等到放工
可以同老公拖住手手去買送
今次我地又係煮呢個蕃茄牛肉米
不過今次係改良版

買完送
居然見到呢個發梗脾氣既梁小姐
好假咁寒暄左兩句
(其實係睇住佢講電話
sai 晒我地玩煮飯仔既時間)
之後就番屋企開工喇

番到屋企
老公就睇住小豬煲粉喇
煲好d 燙之後
我地兩公婆就去洗白白喇
我地己經有七個月冇一齊沖過...
但係因為小豬好驚會俾人撞破
所以好快手咁
就攪掂左我老公喇

沖完之後
就可以食粉粉喇
今次d味濃過上次
但係都仲好似差咁d ...
究竟要點樣
先可以煮得再好d 呢...

之後兩個飽死既人
就攤係度睇電視
睇係又鍚下
睇係又攬下
真係好開心, 好幸褔呀
但係冇幾耐
老公就要番屋企

唉...
究竟要幾時
我地先可以日日都過一d 兩個人既生活呢....??

尋日小豬去左老公雞雞屋企
煮左蕃茄豬肉米俾佢食
呢個奄尖既老公
居然讚呢個唔識煮野食既豬
煮得好味
好彩冇令到老公失望
唔知下次再煮既時候
唔知又會唔會煮得番呢個味呢...?

食完野之後
兩公婆就攤係個梳化到
等阿 bb 出門口
點知呢個漏氣既 bb
攪極都出唔到門口
結果
我地要等到四點
先可以搞到我地最愛既野
但係
呢樣野
要係一個鍾頭內攪完
因為...
阿老爺五點半會殺到番黎呢.....

係我地兩公婆好快手咁攪完之後
阿老爺就打黎話要遲收工
所以我地就可以攬埋訓一陣
訓醒之後
小豬支力到郁唔到
差d 就番唔到屋企

係第廿一次之後
睇黎要有第廿二次都好難喇
阿 b 小姐放勁多既假
放學又會一早番到屋企...
我諗
我地都係要係泰國
先可以有第廿二次 lu
但係
我地係咪真係可以係第廿二之前
都唔鬧咬呢...?

今朝七點打俾豬
隻爛訓豬部電話仲未響鬧鐘
到七點半
豬豬已經刷完牙洗完面
但係老爺奶奶未有行動
要小豬等
點知佢地行動起上黎
可以快成咁
九點幾就可以上水塘
嚇到小豬趕頭趕命
到最後
呢隻唔熟路豬都可以落到車
去郎燒烤場

行完又長又斜既大斜路
喘晒氣既小豬又見到老爺奶奶佢地
老婆仲話見得密得濟
一坐低
我地兩公婆就燒燒野食
老婆燒出黎既
樣樣都好好食
今日呢個"肥勇"服侍得好周到
好抵錫

突然大舅父走左上黎
仲有之後既舅母表姐
搞到小豬驚惶失措
崱所都唔去
一直到三點
我地就行去水塘餵魚
之後就返歸lu

返到屋企
想依泣下都俾人睇住晒
但係兩公婆又著到鬼死咁方便
有人又有"失驚無神硬化症"wor
睇完霍元甲
又要同老婆byebye
而家我地對於手術室既長期not available
都感到好不滿
再係咁落去
醫生同病人都會死架

今次
小豬真係覺得自己好無理取鬧
明知老公唔會唔理自己
但係就深信自己亂諗出黎既 "事實"
有時
小豬真係好驚好驚
會唔會有朝一日
老公真係會忍受唔到我既脾氣
唔再理豬呢.....

究竟要點樣
我地兩公婆先可以唔再鬧交
每一次鬧交
就攪到兩個人都唔開心
我真係好想
可以同老公
好恩愛咁過埋下半世
唔想每一日係屋企都吵吵鬧鬧
老公
你話我知
點樣先可以鬧少d 咬??