https://ameblo.jp/takstephen/ ブログの説明を入力します。 ja 其實出發前一直都猶豫去定唔去..
因為交通唔方便，地點同其他景點相隔好遠，而且網上嘅資料都唔太多，都係得少數台灣旅行團會去……
不過，既然我地有二十日時間，而且今次目的係觀光，點解唔抽多啲時間去想去嘅地方呢!?

為怕遲到搭唔到列車，尋晚已經去便利店買定蕎麥麵做早餐，食完就即刻出發！

九州有好多唔同嘅特急列車同觀光列車，大部份都有分指定席/自由席, 指定席要預先劃位, 自由席就先到先得, 而有小部份熱門路線只係得指定席!

今日要搭08：50嘅 kamome, 車票在第一晚已劃定了, 大約一小時便到達肥前鹿島駅, 出發前查過JR駅對面有一個巴士中心, 有巴士可到達祐德稻荷神社, 但大意地沒有看清楚班次時間...個多小時才有一班車, 為免拖延之後的行程, 我們決定乘的士直接到神社, 這也是我們第三次到日本首次乘搭的士!!

大約十分鐘便到達神社外的停車場, 一下車看到山上的櫻花便知道我們堅持要來是對的! 雖然還不是整座山滿開, 但也已經夠漂亮了!

祐德稻荷神社被稱為日本三大稻荷之一
另外兩間分别是京都的伏見稻荷大社和茨城縣的笠間稻荷神社

從停車場過馬路, 經過神橋, 走過鳥居和神池便可看見這座宏偉的祐德稻荷神社!

進去後沿著渡廊(樓梯)走上御本殿參觀, 樓梯外的櫻花已盛開了! 十分漂亮!

通過御本殿後再往上走便會看到有一排赤鳥居, 如沿著山路上到山頂便會到達奧之院, 但由於要預留時間前往豪斯登堡, 我們只是走到赤鳥居便回頭了

離開神社後便往商店街逛逛, 但店鋪不多, 而且售賣的貨品也不太吸引, 於是便走回巴士站準備離開

巴士站就在一家雪糕店門外, 看一看站牌...發現這裡每日只得幾班車, 而下一班車差不多要兩個多小時後才有....回到JR車站後又要乘一個多小時的列車才到豪斯登堡...而烈陽號航行時間到17:00PM 便停止....這不是完全不夠時間嗎!!?????

不夠時間坐巴士, 只好乘的士回車站吧...但這裡實在太荒無了..等了15分鐘也沒有的士經過...我有一下子想變身電波少年截順風車...日本人樂於助人, 而且去肥前鹿島駅也只是十分鐘車程, 心想應該沒有問題吧...但礙於我太膽小, 不敢開口, 只好繼續呆等的士吧....

與其呆等不如買杯雪糕邊吃邊等吧

買的時候發現雪糕伯伯可以用英文溝通幾句, 我便問他那裡較易截的士?

他答我: 這裡不會有的士經過的....

我心想: 不是吧!!!!!!!!!!!!!!!!!!!!!!!!!!!!!!!!!!!!!!!!!!!!!!?????

然後伯伯補充: 要我幫你打電話叫車嗎??

我：當然好吧!!!

日本人果然樂於助人! T_T

趁著等車期間, 我們邀請伯伯跟我們合照

第三次來日本, 膽小怕事的我們還只是第一次找日本人合照...😁

等了十至十五分鐘的士到了，雪糕伯伯還細心向的士司機交代我們的目的地，實在太好人了！ 伯伯，希望有緣再見吧😁

上了的士還不能放心，因為還要和時間競賽，我們要乘搭的列車十五分鐘後便從肥前鹿島駅開出，而我記得剛才從肥前鹿島駅到神社的車程大約十二至十三分鐘，我們又手持JR PASS不用買票，要趕上還是有可能的！

但沿途太多紅綠燈，下車時聽到列車剛走了，而我們要在這又冷又荒涼的月台等50分鐘……但總比滯留在神社好吧！

50分鐘後我們乘坐xxx到oo站，再轉豪斯登堡號列車到豪斯登堡，15：20左右到達！總算能趕在烈陽號停航前來到！

今次來豪斯登堡的主要目的有兩個, 其一當然是來乘坐烈陽號, 另外便是期間限定的光之王國 (至3月31日完結)

樂園劃分為收費區和免費區, 而烈陽號是在免費區域, 另外不同時間入場的票價亦各有不同, 我記得17:00pm 後入場可買夜間門票, 兩個人共節省2000日圓!

所以我們計劃是先搭接駁巴士到免費區玩, 然後黃昏從另一入口買夜間套票入場看光之王國

15:35pm 開始等巴士, 16:05pm 時間到了巴士也沒有來...票務員說是遲了 (在日本還是第一次遇到交通不準時...), 我們繼續等等等...越等越急燥! 等到16:20pm 也沒有車來....! 算了! 為了烈陽號唯有買正價門票, 從園區走過去吧! 結果去到售票處才發現原來夜間門票 16:00pm 後已開始..這是幸運還是不幸呢? 哈哈哈...

進入園區後便第一時間衝去免費區, 買了烈陽號的船票後終於可以放鬆心情

距離烈陽號起航還有一點時間, 我們先去踏前進號水上單車, 然後在附近周圍逛逛

其實這區域可以稱作一個小小的ONE PIECE樂園, 除了烈陽號和前進號, 這裡的建築物全部也掛上了大大小小的海賊旗, 四周也遍佈了不同角色的像, 連餐廳裡的食物也是ONE PIECE造型! 作為ONE PIECE迷一定要來一趟!!!

逛了一會終於可以登上烈陽號了!

上船後立刻會見到一個小角落售賣船上限定精品, 前方便是烏索普工場和山治的廚房, 還有索柏的醫療室, 不過我們首先是衝上甲板和其他角色合照, 然後才回下層~~這路線是最少人的~因為開船後大部份人也會湧上甲板!

雖然只得短短的30分鐘, 但已足夠在船上走幾遍!

下船後跟烈陽號來一張合照, 然後便到餐廳吃今天的第一餐....(已是17:30pm) ~_~

我們點了, 烈陽號造形的飯, 草帽造形的咖喱飯, 還有前進號造形的甜品

吃飯後便回到豪斯登堡裡, 準備欣賞光之王國, 但天色還未全黑, 我們就在樂園內閒逛, 途中看到一座建築物外掛滿海賊旗, 窗又貼滿了ONE PIECE的貼紙, 二話不說就衝進去了

進去看見一堆人在排隊, 有十多部電視播著ONE PIECE的片段和主題歌, 而入口處被黑布遮蓋了, 有一位職員在看守, 我們看見有一個牌寫著要等15分鐘, 在不知是什麼的情況下跟著別人排起隊來, 結果一等就等了接近半小時.......

終於到我們了! 穿過了神秘的黑布後, 我們跟一批人在一個小小的房間裡看介紹短片, 然後便正式進去了, 原來是坐路軌車! 車的造形有三款, 就是從烈陽號船身走出來那幾隻小船的造形! 碰巧我們坐上了前進號!

原來這設備名為 "ONE PIECE Ride Cruise ~ FOR THE NEW WORLD"

內容大概是描述路飛的心情, 坐在船上的我們就是路飛, 在頂上戰爭完結後失去了艾斯, 沮喪的路飛被甚平提醒了自己還有很多同伴, 然後約好他們各自修行兩年, 再重新出發! 短短幾分鐘的旅程, 透過電視屏幕, 燈光, 音效, 還有就是1:1比例的同伴們, 讓我們真的感覺自己就是路飛一樣!!

出來後天已黑透了, 我們慢慢地走去光之王國

光之王國是豪斯登堡冬季的主題活動, 已是連續第四年舉行了, 用了超過1000萬顆LED燈造成了這美麗的光之祭典!

從光之王國出來後, 我們再一次回到免費區看一看夜晚的烈陽號, 然後慢慢走回車站離開了

豪斯登堡其實還有很多設施, 但我們的主要目的是烈陽號, 而且上午還要到祐德稻荷神社, 所以只夠時間去坐烈陽號和光之王國, 希望將來有機會一整天在這裡慢慢遊玩吧!

為了方便明天去長崎, 今晚我們會在佐世保留宿, 大行李就留了在博多的酒店

從豪斯登堡到佐世保只需約20分鐘車程, 而我們的酒店就在車站步行約5分鐘就到了!

放低行李後打算去附近的餐廳吃晚飯, 但佐世保這裡十分冷清..街上人不多, 餐廳也只找到一間...但門外貼著" 只招呼本地人"...

最後我們到便利店買了一大堆食物回酒店吃! 結果今天一餐正餐也沒有吃呢!

早點吃完早點休息! 迎接明天的長崎稻佐山之行! ]]> https://ameblo.jp/takstephen/entry-12101542555.html Tue, 01 Dec 2015 13:09:25 +0900 因為今日要去我夢寐以求嘅宮島!
結果係 大 晴 天!

上午行程只有原爆遺址
所以可以訓晏少少, 11:00正式出發
原本打算去平和公園同原爆紀念館
為左行程唔好太趕, 加上好多人去完後都話心情會好低落...所以決定取消!

去原爆遺址要搭広島電車

從広島駅出發約15分鐘就到原爆遺址前
落車後過馬路就到

1945年8月6日
美國從空中投下人類第一顆原子彈..
附近幾公里幾乎夷為平地
僅有少數建築物無倒塌, 呢座圓頂屋就係其中之一

雖然無倒塌, 但都已經被嚴重破壞...
要後期加工先可以令建築物更穩固

離開圓形屋頂, 過去河(元安川)對面有睇櫻花
今朝睇過櫻花預報, 広島仍然未滿開....
而我地睇到嘅都只係初開狀態
不過第一次睇櫻花已經令我地好興奮啦!
沿途坐左唔少日本人係河邊睇住櫻花野餐

跟住落黎要去今日嘅重點行程 - 宮島
我地沿著元安川行返原爆遺址前搭電車
不過呢架路面電車龜速行駛...加上停左接近30個車站
足足花左一個鐘先到達宮島口

落車後仲要搭船先到達宮島
船有松大汽船和JR可以選擇
我地當然選擇JR啦! 因為可以用JR PASS免費乘搭
而且松大汽船係直駛去宮島碼頭
JR就會兜一兜去嚴島神社個大鳥居附近
比乘客可以係海上欣賞鳥居, 影下相

13：10 落船後我地即刻衝去大鳥居!!!
因為今日嘅潮退時間係13：24

作為日本三景之一
而且每日潮退時間有限
所以大鳥居下面擠滿遊客

企係一直想去嘅宮島大鳥居下面
興奮心情難以形容
雙手不停地影相

瘋狂影相三十分鐘後
係時侯要去商店街食Lunch
沿路見到好多鹿係度曬日光浴
広島同奈良一樣咁多鹿呢!

広島最多人認識嘅美食就係広島蠔
出發前家姐介紹左間餐廳比我

但我地由街頭行到街尾都搵唔到
所以諗住沿住岸邊行返街頭行多次
途經一間酒店門外, 見到有間好細嘅烤蠔店
我記得好多Blog都大力推介
當然要試試!!

一份400円兩隻
我地一人一份
大約三至五分鐘就燒好啦!
又肥又多汁
食完第一隻已經想即刻買多一份!
不過都係留肚食午餐啦......

食完我地重新由街頭開始行
出盡眼力去找搵間餐廳
終於都搵找到啦!（後來先發覺原來都係去錯左...原來我上網睇錯“下一遍標題”個餐廳名....其實睇返啲相同舖入面都完完全全唔同！但我嗰時一啲都唔覺得有問題....）

去錯呢間叫"焼がきのはやし"
都係主要食蠔
門外面有兩個人喺度燒蠔，另外有一個養蠔嘅水槽
我地點左一份生蠔, 一份燒蠔
仲有一份蠔套餐

生蠔新鮮好味, 仲有個迷你海上鳥居伴碟
燒蠔都不錯, 不過唔夠頭先街邊店好食
套餐嗰幾隻吉列蠔油而不膩
飯同湯就普普通通

食飽就去嚴島神社參觀
嚴島神社已經有1400年歴史
1996年更加被列入世界文化遺產

從嚴島神社出黎後就向千叠閣同五重塔進發
沿途風景, 建築物, 櫻花都好靚!
千叠閣
五重塔


趁住店舖仲未收舖
我地再次返到商店街
食下地道小食~買下手信


大約17:00pm再次黎到大鳥居附近
來自世界各地嘅遊客一早已經黎到
霸個靚位，SET好相機腳架
靜靜地等待日落一刻！

夕陽慢慢落下
越黎越靠近大島居
唙金黃色嘅海上倒影襯托下
大家都不停影相, 大家都讚嘆不絕

夕陽完全落山後遊客都慢慢散場

我地都沿著海傍行返碼頭, 搭船返宮島口, 再轉JR去広島駅
返酒店拎行李後就趕去搭新幹線轉移到博多
短短兩日嘅広島之旅完結啦!!!
跟住落黎就係一連八日嘅九州！


到達博多後先返酒店CHECK IN, 放低行李

小休左半個鐘後
就去博多駅搭博多市營地鉄到中洲川端食晚餐！
一出車站就見到一整棟一蘭拉麵！
呢度係一蘭拉麵嘅本店，不過過幾日先再黎啦
因為今日目標係暖暮拉麵！

明明只係出車站後轉右就到....
但係唔知點解係都搵唔到（其實即係行錯路）

搵左十五分鐘終於搵到啦（原本只要一分鐘就可以....）
暖暮拉麵都係要喺門口售票機先買飛
然後先入去搵位坐

等拉麵時見到呢張紙
寫住前幾年暖暮喺拉麵王大賽更勝一蘭，排名第一位！

好快拉麵就送到我地面前
我地食嘅係豬骨湯麵
濃濃嘅豬骨湯底加上彈牙嘅拉麵！
好食到連湯都飲哂！
(食飽先記得我地係想去食葱芝麻拉麵........)

食飽後搭地鉄返博多駅，買埋甜品就返酒店休息
]]> https://ameblo.jp/takstephen/entry-12082645756.html Sat, 10 Oct 2015 15:24:20 +0900 飛機喺大雨下降落関西空港
我地要 06:30 趕搭第一班 はるか 2号去新大阪
即係45分鐘內要過關, 等行李, 搭SHUTTLE BUS由T2去T1, 仲要換21 DAYS RAIL PASS
好彩一切順利, 06:20安全上車!

関西空港去新大阪大約一個鐘
07:38準時到達
我地要拖住兩個大喼趕去綠色窗口劃新幹線嘅指定席車飛
原本想搭08:07 さくら547号竟然滿座!
第一次劃飛就劃唔到...突然間個腦一片空白..
因為我地張JR PASS 唔包括班次最多嘅のぞみ 同 みずほ
之前Check過如果呢班搭唔到就要等兩個鐘...咁咪成日行程亂哂!!?

好彩JR個職員話原來08:17有一班ひかり會到福山
劃完飛仲有時間買早餐, 然後就懷住緊張期待嘅心情上月台迎接新幹線!
第一次搭新幹線, 又快又定又靜, 坐得好舒服!
新大阪去福山又係大約一個鐘, 所以食完早餐抖一陣就到啦!

鎖好兩個大喼入車站儲物櫃後
行程正式開始!
第一站 - 福山城

福山城是睇夜櫻嘅好地方, 但今日落雨, 而且広島嘅櫻花仲未開得好靚
不過福山城就喺福山駅對面, 所以決定到此一遊!

北口一出去已經見到福山城嘅圍牆
然後上一小段樓梯就入左城內範圍
不過真係無乜好睇, 加上落雨關係, 所以影左幾張相就走啦!

我地利用JR PASS再次喺福山駅入閘, 再轉普通列車去尾道
選擇去尾道嘅原因係因為一本漫畫 <純愛塗鴉>
呢本漫畫背景就係尾道!


另外幾年前睇過一個是北川景子嘅相機廣告, 當時己經覺得入面D景好靚...今次搵資料時先發覺原來又係尾道 (之後再發現原來個廣告賣緊我部相機! 啱到咁唔黎唔得啦!)

大約11：00到達尾道
喺觀光窗口攞左份地圖後就出發！
由於尾道對香港人嚟講唔係熱門旅遊區，搜集資料時一直都搵唔到清晰嘅地圖
所以早已經喺GOOGLE MAP "行"過尾道幾次

一出車站先去"林芙美子像"影張相
然後就過馬路另一邊嘅"古寺巡禮"
古寺巡禮其實係一條寺廟徑
尾道面積雖然好細, 但有好多大大小小嘅寺廟
而古寺巡禮就係一條連接其中25間寺廟嘅路線

我們都係順住條路線行到千光寺纜車站
無刻意去哂所有寺廟
淨係喺比較出名嘅持光寺, 光明寺影左幾張相
一個鐘左右就行完
因為我地嘅目的地係纜車站對面嘅朱華園拉麵!


去到門外已經有好多人排隊
排左15分鐘左右就有位啦!
入去後先落單比錢, 店員會比個號碼牌你,再自己搵位坐低
我們點左叉燒麵, 中華そば, 餃子8隻
尾道嘅拉麵湯底係醬油再加上豬油
雖然好肥但好好食!

食飽後去左纜車站隔離嘅艮神社行左個圈
然後就搭纜車上山頂嘅千光寺

千光寺係好出名賞櫻地點 更被列入「賞櫻名所100選」
山頂睇到嘅瀨戶內海景觀都被列入「夜景100選」
仲有就係千光寺入面嘅鐘樓- 驚音樓嘅鐘聲列入「日本の音風景100選」

可惜尾道櫻花仲未開, 而且一直落住毛毛雨, 連瀨戶內海都望唔到
參觀完千光寺後沿著貓の細道落山
叫做"貓の細道", 因為沿途會見到好多貓
而且沿路嘅畫, 廣告牌, 甚至Cafe裝飾全部都係貓
最特別係有一位藝術家喺貓の細道放左108隻貓福石, 好多旅客都專程黎搵佢地!

我地一手拎住把摭, 一手扶住欄杆, 行濕滑嘅石坂路 (漫已經跌左兩次....)
而且雨越黎越密,貓福石都只係搵到幾隻, 隨手影幾張相就算啦

幾經辛苦行返纜車站, 時間只係14:00
我地原先計劃喺千光寺睇完瀨戶內海夜景先返酒店
但上網睇完天氣預報, 雨會一直落到夜晚
搭完凌晨機又好攰, 所以決定放棄夜景提早返酒店休息!

離開尾道前我地再次返到商店街, 尋找隱秘嘅米芝連兩星餐廳 - いわべえ
雖然食完拉麵無幾耐, 但黎到尾道點都要試下尾道燒!

大阪有大阪燒, 広島有広島燒, 各個地方嘅食材都有少少唔同
而尾道燒嘅主要材料就係我唔食嘅雞腎.....不過去旅行咩都要試下嘅!
結果......
食左一啖後就停唔到口, 雖然好飽但係都全部食哂! 正!

食完沿住商店街行返尾道駅, 途中經過漫畫經常出現嘅大和湯 (我不是毒男!)
喺漫畫入面, 大和湯係一間公共澡堂
而現實中佢以前真係一間澡堂, 但而家已經改建成咖啡店啦

差唔多行到車站, 見雨勢細左, 所以去左海邊行下

然後就搭JR返福山駅拎返啲行李, 再轉新幹線去広島

大約17:00就到広島酒店Check in
一入房就即刻訓左三個鐘"救命覺"!!!

訓醒去左酒店附近嘅すしざむらい食壽司

食飽去左車站綠色窗口劃定之後幾日嘅觀光列車指定席位
但最想搭嘅蒸氣火車SL人吉已經滿座!!
唯有再諗下可唔可以調行程...

劃完飛再去Lawson買阿蘇, 黒川, 杖立嘅巴士車票
但買唔到阿蘇去黒川嗰一程, 擔心左我幾日.....

最後仲要返酒店, 上流通網買4月12日西野カナ演唱會門票
首先上網確認購買後, 要喺30分鐘內到便利店比錢, 所以又即刻衝落去便利店
比錢後, 賣家就會寄門票去你所提供嘅地址, 我要求賣家寄去東京嘅酒店
但我4月8日先到東京, 所以之後又擔心左十幾日...

今日雖然天氣麻麻, 被迫提早返酒店, 但都好開心!
下次好天一定會再去一次尾道
慢慢行貓の細道搵貓福石! 睇瀨戶內海夜景!
]]> https://ameblo.jp/takstephen/entry-12082644151.html Sat, 10 Oct 2015 15:23:40 +0900